Dag 7: 28 April

Dit word algemeen aanvaar dat stamvader Louis Fourie van Pointaix afkomstig is. Nuwe inligting wys egter dat hy dalk Louis Faurite, ‘n jongman van Livron, kon wees.  Vir meer inligting verwys na stamboomblad “Fourie” elders op die webblad.

Die dorp was oorspronklik gebou as strategiese vesting vir die Biskoppe vanValence in die 12de eeu, alhoewel die ou naam dalk wys dat dit heel moontlik terug dateer na die Romeinse tyd. Die ou naam “Castrum Liberonis” “veld van ‘n vry man” sou ontstaan het uit die woord  “Liber”.

Van 1032 tot 1378, was die gebied tussen die Alpe en Rhone geplaas onder die gesag van die Romeinse Ryk, maar aan die einde van die 14de eeu is dit oorgedra na die Dauphin van Frankryk en is dit genoem die “Dauphiné”.

Die dorp het gegroei tot ‘n belangrike Dauphinoise handelsentrum aan die einde van die Middeleeue, waarna dit ‘n Protestantse bastion geword het waar bloedige weerstand gebied is teen die Katolieksgesinde dragonders, maar die mure is finaal tot ‘n  val gebring in 1623. Al wat oorgebly het van Protestanste geboue  is ‘n stukkie muur van die ou kerk en ‘n toring van ‘n ou fort, die “Tour du Diable “waarvan niemand sou waag om aan te raak nie!

Aan die begin van die18de eeu het die sybedryf, asook die binnelandse skeepsbedryf op die Rhône, die onstuimige dorp uiteindelik laat bedaar en het dit begin om te floreer en te stabiliseer.

rhonevallei

Die pragtige Rhônevallei.

livronbord

Livron – 130km suid-oos van Lyon.

inkom

Livron-sur-drôme vanaf Loriol-sur-drôme se rigting.

jeanboyer

Rue Jean Boyer – die straat waar die ruïne van die ou Protestante kerkie nog staan.

 eglise

Place de l’ Ancienne Église – Plek van die Antieke Kerk, teen die hange van Mont Rôti.

 agterplaas

Die area waar die kerkgebou was. In die agtergrond kan die oorblyfsel van die kerk se straatmuur gesien word.

 nasate

Twee Fourie nasate – Carol du Plessis (gebore Beck) en Cindy Bam (gebore du Plessis, dogter en kleindogter van Magdalena Josina Fourie, afstammelinge van stamvader Louis Fourie se 6de kind, Louis (b6)  voor die straatmuur.

nabegraafplaas

Oppad na die ou begraafplaas, bo-op Mont Rôti.

 hek

Ingang na die begraafplaas. Ruïnes van ‘n ou klooster kan aan die regterkant gesien word.

 steilte

André en Cindy teen die steil opdraende na die begraafplaas.

 uitsig2

Uitsig vanaf die begraafplaas oor Livron en Loriol.

ruine

Die ruïne van ‘n antieke Katolieke kerk in die begraafplaas. Die Protestante en Katolieke het om die beurt mekaar se kerke vernietig – afhangende van wie beheer gehad het oor Livron.

 leegraf

Die meeste bestaande grafstene behoort aan Katolieke.  Daar is egter dele van die begraafplaas waar alle tekens van grafte vernietig is – heel moontlik Protestants.

 muur1

 Links van die begraafplaas is nog dele van die ou dorpsmure staande.

 roti

Die oudste deel van Livron is teen die hange van Mont Rôti gebou. Gedurende die 16de. en begin van die 17de eeue was Livron ‘n Protestantse vesting. Ondanks aanvalle van Katoliekgesinde Henri III in 1574-1575 het Livron nog Protestants gebly tot die inval deur Richelieu in 1623. Op sy bevel is meeste van die dorp se vestingsmure afgebreek.

 oud

Die ruine van ‘n ou gebou langs die dorpsmuur.

 vestings

Die geboue langs die muur stuk oorblywende muur is soos vestings gebou.

 skietgat

Skietgate – ‘n erfenis uit Livron se stormagtige geskiedenis.

  kerlder

Cindy by een van die antieke geboue wat nog steeds bewoon word.

 kaart

Net buite die dorp die lê Tour du Diable en die Lombard-wingerde.

1.Place de l’ Ancienne Église.  2.Ou begraafplaas.  3.Tour u Diable.  4.Brézème, die Lombard-wingerde.

 Die roete van die kerkruïne na Tour du Diable en die wingerde:

Volg Rue Jean Boyer in ‘n suidelike rigting en draai regs in Place de Révolution. Parkeer op die plein en stap verder na die begraafplaas. Die pad aan die linkerkant van die begraafplaas is toe vir motors. Beweeg terug tot in Rue Jean Boyer en beweeg noordwaards tot ‘n vurk in die pad.

Hou heel regs in Rue des Potiers en volg dit in ‘n suid-oostelike rigting. Rue des Potiers word Rue des Combes. Hou aan tot die straat ‘n voetpaadjie word. Waar die voetpad doodloop vertak ‘n paadjie regs na Tour de Diable en linksen na die wingerd.

 toring3

Tour du Diable (Die Duiwel se Toring), sit teen die suidelike hange van Mont Rôti, naby die wingerde van Brézème (Lombard-wingerde).

 wingerd

Die Uitsig van die  wingerde in die voorgrond en Loriol in die agtergrond.

 toringbo

Tour du Diable hou al vir eeue ‘n geheim van vreemde dinge wat hier gebeur het, soos vertel deur Gervase van Tilbury in 1211.  Volgens hom was die toring bewoon deur bonatuurlike wesens wat die fort bewaak het. So bv. was ‘n soldaat op  wagdiens in die fort, maar is die  volgende oggend buite by by die voet van die toring gevind – vas aan die slaap, alhoewel al die deure gesluit was.  Hy het niks gesien nie… niks gehoor nie…

 cindymuur

Oral is nog dele van die ou dorpsmure te sien.

 lombard

Brézème is die mees suidelikste wingerd van die Noord-Côtes-du-Rhône wynstreek.  Dit wingerde is uitgelê op terrasse met ‘n lae droë klipmure in die vorm van ‘n amfiteater om skuiling te bied teen die wind. Eerste aantekeninge in dokumente oor hierdie klein, maar baie ou wingerd, dateer uit  1422. Die wingerds is reeds vir baie geslagte in die hande van die Lombard familie, wat baie interressant is siende die verbintenis tussen Louis Fourie (Faurite) en die Lombards.

 merci

“Die wingerde is broos. Dankie dat jy nie op die terasse loop nie.”

blikoulivron

Oppad na Pontaix – Mont Rôti met die ou Livron teen sy hange.

rhone

 Die Rhône rivier.

 dromeplaas

Die pragtige Drôme platteland.

 teken

Livron na Pontaix – ongeveer 44km van mekaar.